آموت بنظرتك واعشق سكون الحرف بشفاتك

أبي منك عذر مقنع تعبت أعطيك من عندي..
أبي صدقك ولو مرة يفوق الكذب في ذاتك

إذا اخطيت لا تنكر ولا تتوارى في صدي..
يضايقني الجفا منك كثر شوقي لجلساتك

تزاعلني وترحل تخليني بشقا وحدي..
أضل أبكي ولا أشكي تزيد أكثر بغيبـاتك

ولا تسأل أبد عني تمـر أيام في بعـدي..
تجافيني ولكنك علي مخطي بكلمـاتك

اخاف وحيرتي تكبر وأحط يدي على خدي..
افكـر فيك وين انت؟ حبيبي طول غيـابك

أطالع صورتك وأسرح عيونك حلمي الوردي..
آموت بنظرتك واعشق سكون الحرف بشفاتك

أبي أصبر على بعـدك ولكن كل شي ضدي
أصد الشوق يعاندني يجنني لهمســاتك

ولا أقدر على بعدك خلاص بشوفتك ودي..
حبيبي كانك المخطي حضنت بروحي زلاَتك

وإذا عندك عذر مقنع انا هاللحظة ماعندي..
سوى حب مـلا صدري يفوق الحب في ذاتك


م/ن